كلمة احبــــــــــــــــــــــــك

كلمة احبك

قضا ليلي وانا سهران وهم القلب من يقواه
اعاين فالسما صوب القمر واقول ما فيه

لك الله ما هويتك يالسهر لكن جاء فرقاه
وشال النوم من عيني وانا قبله علي نيه

لواهيب الغدر تبعد غرام الحب عن مرساه
ويبعد عن شواطي الشوق يم بحور لجيه

يتابع هبة الغربي واذا هب الصبا يبغاه
واذ هب الشمالي ما بغا هاذيك ولا ذيه

يقلب قلبه بكيفه علي مايشتهي يبغاه
ولا له في شموسه شوق ولا له فالقاء فيه

وانا ليا حبيبً صرت انا بالحيل صدق اهواه
وقلبً بالوفا حبه يحرك روحي ويديه

يفضلني علي روحه وروحي تنرخص لجلاه
يقابلني بنظراتً تعانقني بحنيه

تعاتبني وعاتبها وعذولي سرها جفواه
وانا من عذب رقتها اداوي علةً فيه

تهقوي في وانا دايم مكاني مابغت هقواه
واسج بنظرتي يم العلا وامشي برجليه

حبيبي وسط هذا الكون انا ماشفت ابد شرواه
صدوقً في احاسيسه حنانه لو زعل ليه

ولكن خاطري ماهو علي كيفي انا ابلقاه
صعب تلقي في هذا الوقت وافي حب وافيه

سهام الغدر اسرع من سهام الحب لرماه
تصيبك وانت ماتدري عسا الله يدفع السيه

بعد كلمة احبك كانت الاوله وعز وجاه
وصعبه من نطقها قبلها دافع لها ديه

رخصت هاذي الكلمه وكلن قالها بشفاه
علي درب الهوا مرو كما لو هم طرقيه

قصيده قالها البيطار والبيطار واش مغزاه
يظن الحب في هذا الزمن ناقصه مرثيه